Almaty qalalyq qoǵamdyq densaýlyq saqtaý basqarmasynyń bastyǵy Kamaljan Nadyrov qaladaǵy juqpaly jáne provizorlyq aýrýhanalarda meditsinalyq kadrlar jetispei jatqanyn aitty, – dep habarlaidy "Ult aqparat".
«Ókinishke qarai, pandemiia uzaqqa sozyldy. Tórt aidan beri meniń áriptesterim aldyńǵy qatarda, táýlik boiy pandemiiamen kúresýde. Qalyptasqan kúsh-jigerge qaramastan, jaǵdai bizden qosymsha kúsh jumyldyrýdy, qosymsha aýrýhanalar uiymdastyryp, alǵashqy meditsinalyq-sanitarlyq kómekti kúsheitýdi talap etedi», - dedi Kamaljan Nadyrov.
Onyń aitýynsha, osyǵan bailanysty meditsinalyq kadrlardyń qazirgi jáne bolashaqtaǵy qajettiligin qamtamasyz etý úshin qosymsha mamandardy jumyldyrý qajet bolyp otyr.
«Qazirgi ýaqytta juqpaly aýrýhanalarda, provizorlyq statsionarlarda jáne zerthanalarda jumys isteitin dárigerler, orta jáne kishi meditsina qyzmetkerleri, volonterler qajet. Biz meditsina qyzmetkerlerin pandemiiamen kúresýge kómektesýge shaqyramyz», - dedi ol.
