Almatyda «Jańa Alataý» qoǵamdyq qorynda koronavirýstan qorǵaný is-sharalary úshin arnaiy shot ashyldy, dep habarlaidy QazAqparat.
Bul týraly «Nur Otan» partiiasynyń Almaty filialy tóraǵasynyń orynbasary Stanislav Kankýrov Almaty ákimdiginde ótken onlain brifing barysynda aitty.
«Bizge qarapaiym halyq pen partiia múshelerinen, bastapqy partiia uiymdarynan kóp usynys túsip jatyr. Sondyqtan ákimdiktiń qoldaýymen Almaty qalalyq filialy «Jańa Alataý» qorynda arnaiy shot ashpaq. Bul shotqa kez-kelgen azamat qarajat jibere alady. Bul qarajatqa áleýmettik turǵydan az qamtylǵan otbasylarǵa sanitarlyq qorǵanys quraldary, antiseptik, maska, sanitaizer, antibakterialdy salfetkalar satylyp alynady. Qordyń esepshotyna qazir 200 mln teńge kóleminde qarajat tústi. Bul qarajaty QR Tuńǵysh Prezidenti qory aýdarǵan. Jańa Alataý qory» búǵan deiin Almaty bolǵan tótenshe jaǵdailar barysynda Medeýdegi órt kezinde, Naýryzbai aýdanyndaǵy sel kezinde, Arystaǵy apat kezinde, Almatydaǵy ushaq apaty kezinde japa shekkenderge kómek bergen. Qor jumysyn arnaiy komissiia basqaratyn bolady», - dedi partiia filialy tóraǵasynyń orynbasary Stanislav Kankýrov.
Sonymen qatar, onyń aitýynsha, «Nur Otan» bastaýysh partiia uiymdary, filial qyzmetkerleri «Jańa Alataý» qorynyń shotyna bir kúndik jalaqysyn aýdarmaq.
«JAŃA ALATAÝ» qoǵamdyq qory
RNN 600300567791
BIN 080740011034
IIK №KZ826010131000165601
«Qazaqstan Halyq banki» AQ
BIK HSBKKZKX
KBE 18 KNP 119
Telefon: 8 (727) 396-74-20
Jetekshisi
Balabekov Aidar Býitagalievich IIN 710315301396
