Koronavirýs máseleleri jónindegi jedel shtab otyrysynda qai óńirlerdiń koronavirýspen kúresti álsiretip alǵany aityldy, dep habarlaidy "Ult aqparat".
Aita keteiik, búgin QR Premer-Ministriniń orynbasary Eraly Toǵjanovtyń tóraǵalyǵymen COVID-19 máseleleri jónindegi jedel shtabtyń otyrysy ótip, onda memlekettik organdardyń koronavirýspen kúreste atqaryp jatqan jumystary tyńdaldy.
Jiynda jedel shtab Batys Qazaqstan jáne Qyzylorda oblystarynyń ákimdikteriniń jumysy jetkiliksiz ekenin atap ótti. Densaýlyq saqtaý ministrliginiń COVID-19-ben kúres boiynsha óńirler reitingisinde osy oblystarda eń tómen kórsetkish tirkelgen.
Sondai-aq, Premer-Ministrdiń orynbasary Soltústik Qazaqstan ákimdigine qoldanystaǵy tósek-oryn qorynyń júktemesin azaitý boiynsha jedel shara qabyldaýdy tapsyrdy.
