Qazaqstannyń Izraildegi jáne Kipr Respýblikasyndaǵy Elshiliginiń kómegimen 12 qazanda Almaty qalasyna Kiprdiń Remedica farmatsevtikalyq kompaniiasynyń gýmanitarlyq kómegi jetkizildi. Bul jóninde Syrtqy ister ministrligi habarlady.
Salmaǵy 500 kelidei júk 9000-nan astam dári-dármek pen 50 000 maskadan turady.
Gýmanitarlyq kómek Densaýlyq saqtaý ministrligimen kelisim boiynsha Qazaqstan aimaqtaryna taratý úshin biryńǵai distribiýtor sanalatyn SQ «Farmatsiia» kompaniiasynyń qaramaǵyna tústi.
Bul yqpaldastyq koronavirýstyń taralýyn boldyrmaý maqsatynda birlesken kúsh-jiger aiasynda júzege asyryldy.
Kórsetilgen kómek Qazaqstan men Kipr arasyndaǵy dástúrli dostyq qatynastardy, sondai-aq pandemiiaǵa qarsy halyqaralyq kúsh-jigerdegi yntymaqtastyqty aiqyn kórsetedi.
Aita keteiik, Remedica - Kiprde ornalasqan jetekshi farmatsevtikalyq kompaniia jáne onyń ónimderi álemniń 160-tan astam elderinde taratylady.
Kompaniia azamattarǵa arnalǵan sapaly, qaýipsiz jáne tiimdi farmatsevtikalyq ónimderdi ázirleý, óndirý jáne satý isine mamandanǵan.
Qazirgi ýaqytta farmatsevtikalyq uiymnyń Eýropalyq Odaqqa múshe memleketter men birqatar álemdik jetekshi elderdiń densaýlyq saqtaý organdary maquldaǵan 5 zamanaýi zaýyty bar.
