Nur-Sultan qalasynyń aýmaǵynda koronavirýstyq infektsiianyń (COVID-19) taralýyna jol bermeý jónindegi sharalar qabyldanýda. Bul týraly "Ult aqparat" ákimdik saityna silteme jasap habarlaidy.
«Azamattyq qorǵaý týraly» 2014 jylǵy 11 sáýirdegi Qazaqstan Respýblikasynyń Zańyna, «Qazaqstan Respýblikasynda tótenshe jaǵdaidy engizý týraly» Qazaqstan Respýblikasy Prezidentiniń 2020 jylǵy 15 naýryzdaǵy №285 Jarlyǵyna, Qazaqstan Respýblikasy Prezidenti janyndaǵy tótenshe jaǵdai rejimin qamtamasyz etý jónindegi memlekettik komissiianyń 2020 jylǵy 26 naýryzdaǵy № 6 jáne 2020 jylǵy 27 naýryzdaǵy № 7 hattamalaryna sáikes azamattardyń ómiri men densaýlyǵyn qorǵaý, koronavirýstyq infektsiianyń (COVID-19) taralýyna jol bermeý maqsatynda, sondai-aq Nur-Sultan qalasynda koronavirýstyq infektsiianyń anyqtalý jaǵdailarynyń kóbeiýine bailanystyNur-Sultan qalasy boiynsha koronavirýstyq infektsiianyń taralýyna jol bermeý jónindegi jedel shtab, tótenshe jaǵdaidy joiý basshysy bylai dep ShEShTI:
1. 2020 jylǵy 30 naýryzdaǵy saǵat 00:00 bastap 6 sáýirdegi 00:00 deiin:
1) osy sheshimge qosymshaǵa sáikes óz qyzmetin júzege asyratyn mekemelerdi qospaǵanda, barlyq uiymdardyń (menshik nysanyna qaramastan) qyzmeti;
2) qoǵamdyq kóliktiń qozǵalýy;
3) qurylys alańy shekarasynan shyqpai, jumys rejimin qamtamasyz etý múmkindigimen jumysshylar úshin qurylys alańdarynda jataqhanalary bar kompaniialardy qospaǵanda, qurylys kompaniialarynyń qyzmeti toqtatylsyn.
2. Qarjy naryǵynyń sýbektileri 2020 jylǵy 30 naýryzdaǵy saǵat 00:00 bastap 6 sáýirdegi 00:00 deiingi kezeńde Qazaqstan Respýblikasy Ulttyq banki tóraǵasynyń 2020 jylǵy 27 naýryzdaǵy № 88 jáne Qazaqstan Respýblikasy Qarjy naryǵyn retteý jáne damytý agenttigi tóraǵasynyń 2020 jylǵy 27 naýryzdaǵy № 169 birlesken buiryǵyn, sondai-aq «Karantin rejimin kúsheitý kezeńinde Qazaqstan Respýblikasy Ulttyq bankiniń enshiles uiymdary men jekelegen filialdarynyń qyzmeti týraly» Qazaqstan Respýblikasy Ulttyq bankiniń 2020 jylǵy 27 naýryzdaǵy № 87 buiryǵyn basshylyqqa alsyn.
3. Nur-Sultan qalasynyń aýmaǵynda karantin jáne tótenshe jaǵdaidyń qoldanylý kezeńinde:
1) qoǵamdyq oryndardyń: saiabaqtar, shaǵyn baqtar, jaǵalaýlar, kóshelik balalardyń oiyn alańdary men azamattardyń ózge de demalys oryndarynyń jumys isteýi toqtatylsyn;
2) qolma-qol shetel valiýtasymen aiyrbastaý operatsiialaryn júzege asyrýǵa quqyǵy bar ýákiletti uiymdardyń jumysy toqtatylsyn;
4. Karantin aimaǵynyń aýmaǵyna myna jaǵdailardy qospaǵanda,
2020 jylǵy 30 sáýirdegi saǵat 00:00 bastap 6 sáýirdegi 00:00 deiin asa qajettiliksiz qalada adamdar men jeke kóliktiń jyljýyna shekteý engizilsin:
1) qosymshaǵa sáikes uiymdar úshin jumys oryndarynan anyqtama (ne qyzmettik kýáligi) bar bolǵan kezde turǵylyqty jerinen jumys ornyna deiin jáne keri jyljýyn;
2) turatyn nemese jumys oryndarynyń tikelei janyndaǵy dúkender men dárihanalardan azyq-túlik taýarlaryn, dárilik preparattar men meditsinalyq buiymdardy satyp alýdy;
3) shuǵyl jaǵdai boiynsha meditsinalyq mekemege shyǵýdy;
4) turǵylyqty jeriniń tikelei mańyndaǵy jerlerge úi janýarlaryn serýendetýdi.
5. Nur-Sultan qalasynyń aýmaǵynda karantin jáne tótenshe jaǵdaidyń qoldanylý kezeńinde 55 jastan joǵary adamdarǵa osy sheshimniń 3-tarmaǵynyń 1), 2), 3) jáne 4) tarmaqshalarynda kórsetilgen jaǵdailardy qospaǵanda, asa qajettiliksiz kóshege shyǵýyna shekteý usynylsyn.
6. Qosymshaǵa sáikes qyzmetin júzege asyratyn uiymdar (menshik nysanyna qaramastan):
1) qyzmetkerlerdi jumys ornyna deiin jetkizilýin qamtamasyz etsin;
2) qyzmetkerlerdi jumys orny týraly anyqtamalarmen qamtamasyz etsin.
7. kóppáterli turǵyn úilerde ornalasqan dúkenderge jumys kestesi saǵat 10:00 bastap 20:00 deiin bolyp belgilensin.
8. Nur-Sultan qalasynyń Politsiia departamenti:
1) tótenshe jaǵdai men karantinniń qoldanylý kezeńinde belgilengen joǵaryda kórsetilgen talaptardyń buzylýy ne oryndamaýy anyqtalǵan kezde tiisti ákimshilik sharalar qabyldasyn;
2) azamattardyń qoǵamdyq oryndarda, saiabaqtarda, shaǵyn baqtarda jáne t.s.s. bolýyna jol bermeý maqsatynda engizilgen shekteýlerdi saqtaý boiynsha patrýldeý uiymdastyrylsyn;
9. Nur-Sultan qalasynyń Investitsiialar jáne kásipkerlikti damytý basqarmasy Aqmola oblysynyń Tselinograd jáne Arshaly aýdandarynyń ákimdikterimen birlesip irgeles eldi mekenderdi ortalyqtandyrylǵan azyq-túlikpen qamtamasyz etý úshin júk kóligi uiymdastyrylsyn.
10. «Nur-Sultan qalasynyń Ishki saiasat basqarmasy» memlekettik mekemesi astana turǵyndary arasynda juqtyrý oshaqtaryn oqshaýlaýdy jáne onyń taralý qaýipterin meilinshe azaitýdy qamtamasyz etýge arnalǵan shekteý jáne áleýmettik oqshaýlaý boiynsha qabyldanatyn sharalardy buqaralyq aqparat quraldarynda, áleýmettik jelilerde, jáne messendjerlerde aqparattyq súiemeldeýdi, adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimderdiń mańyzdylyǵyn ashyp kórsetýdi júrgizsin.
11. Barlyq memlekettik organdar men aýmaqtyq bólimsheler osy sheshimnen týyndaityn sharalardy qabyldasyn.
12. Osy sheshimniń oryndalýyn baqylaýdy ózime qaldyramyn.
13. Osy sheshim oǵan qol qoiylǵan kúnnen bastap qoldanysqa engiziledi.
