Jumys isteitin azamattyń koronavirýsqa josparly túrde test tapsyrýy taiaý bolashaqta normaǵa ainalady. Bul jaiynda QR Densaýlyq saqtaý ministri Eljan Birtanov Facebook-paraqshasynda jazdy, dep habarlaidy "Ult aqparat".
Aita keteiik, Facebook-te Vera Zaharchýk esimdi jeli qoldanýshy koronavirýsty anyqtaityn test Mindetti áleýmettik meditsinalyq saqtandyrý júiesine qatysýshylarǵa nege tegin bolmaityndyǵyn surap, jazba qaldyrǵan bolatyn.
«Bul máseleni qazir ǵana talqylaýdy aiaqtadyq. Osy ýaqytqa deiin 4 sanat boiynsha atap aitqanda, shetelden kelgenderge, aýyrǵandar men olarmen qarym-qatynasta bolǵandarǵa, karantin kezinde de jumys istep jatqandarǵa (dárigerler, áskeri qyzmetshiler, kommýnaldyq jumysshylar jáne t.b.) jáne qarttar úiiniń kontingentine 250 myńǵa jýyq tegin test júrgizdik. Is júzinde 3 jáne 4 sanattaǵylardyń 90 paiyzyna (shamamen 70 myń adam) qaitadan tegin test ótkizildi. Jalpy, bul ońai emes ári shyǵyny kóp. Oǵan qazirdiń ózinde biýdjetten 2,8 mlrd teńgege jýyq qarajat jumsaldy», - dedi Eljan Birtanov.
Osy rette ministr ushaqpen saparlarǵa birneshe qalaǵa ǵana barynsha saqtyqpen ruqsat berilip otyrǵanyn atap ótedi.
«Jaǵdai boiynsha qaraityn bolamyz (olardy qaita toqtatýdyń qajeti bolmas dep úmittinemin. Ony da joqqa shyǵarmaimyz), elimizde epidemiia áli aiaqtalǵan joq. Biraq ekonomikany kezeń-kezeńmen jandandyrý qajet», - dedi ol.
Sonymen qatar vedomstvo basshysy indet beti qaitqannan keiin halyqty turaqty testileý úsh baǵyt boiynsha usynylyp otyrǵanyn jazdy:
- aýyrǵan jáne olarmen qarym-qatynasta bolǵandardy tegin meditsinalyq kómektiń kepildik berilgen kólemi aiasynda biýdjet qarajaty esebinen;
- jumys isteitin jáne saqtandyrylǵan turǵyndardy Mindetti áleýmettik meditsinalyq saqtandyrý júiesi esebinen arnaiy keste boiynsha;
- qalǵandary - aqyly.
«Taiaý bolashaqta jumys isteitin azamattyń turaqty josparly testileýden ótýi normaǵa ainalatyn siiaqty. Jiiligi - jumys sipatyna jáne óndiristiń epidemiologiialyq qaýpine bailanysty. Bul arnaiy algoritm - keste bolmaq. Ol qazirgi ýaqytta álemniń kóptegen elderinde talqylanyp jatyr. Biraq, bul azamattardyń basym bóligine qaýipsizdikte bolýǵa, elde jáne álemde saiahattaýǵa múmkindik beredi», - dedi Eljan Birtanov.
