Koronavirýs infektsiiasyn juqtyrǵan naýqastyń anyqtalýyna bailanysty Jambyl oblysyndaǵy «Qordai shekara beketin ýaqytsha jabýǵa týra kelgen. Bul týraly QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etti, dep habarlaidy "Ult aqparat".
Málim bolǵandai, Qazaqstan azamaty el aýmaǵyna «Qordai» shekara pýnkti arqyly kelgen.
«22 maýsymda Jambyl oblysyndaǵy qazaq-qyrǵyz shekarasynda ornalasqan «Qordai» ortalyq beketinde kórshi elden kelgen COVID 19-ǵa shaldyqqan naýqas anyqtaldy.
Sanitariialyq-epidemiologiialyq qyzmet mamandary bul fakti týraly Qordai aýdandyq sanitariialyq-epidemiologiialyq baqylaý basqarmasynyń basshysyna jáne Jambyl oblysy Sanitariialyq-epidemiologiialyq baqylaý departamentine habarlady.
Osydan keiin shuǵyl túrde naýqasty, onymen jaqyn bailanysta bolǵan azamattardy oqshaýlaý sharalary qolǵa alyndy. Azamattar shekaradaǵy ótkizý pýnktiniń aýmaǵynda ornalasqan izoliatorǵa jatqyzyldy. Keiin sanitariialyq-epidemiologiialyq qyzmet mamandary jedel járdem brigadasyn shaqyrdy.
Koronavirýs infektsiiasyna shaldyqqan naýqastyń anyqtalýyna bailanysty ótkizý pýnkti basshysynyń buiryǵymen «Qordai» beketi ýaqytsha jabyldy», - delingen taratylǵan aqparatta.
Atap ótilgendei, dezinfektorlar beket ǵimaratyn óńdeý sharalaryn júrgizip, ǵimarat aýmaǵy jeldetilgennen keiin post óz jumysyn qaita jalǵastyrdy.
Aita keteiik, aǵymdaǵy jyldyń basynan beri Jambyl oblysynyń memlekettik shekarasy arqyly 185 050 adam ótse, onyń 23-inen COVID-19 anyqtaldy.
