Koronavirýstyń taralýyna qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Kolýmbiiada koronavirýs infektsiiasy anyqtalǵan patsientter arasyndaǵy ólim-jitimniń eń joǵary kórsetkishi tirkeldi.
Bul týraly 13 maýsymda eldiń densaýlyq saqtaý jáne áleýmettik qorǵaý ministrliginiń baspasóz qyzmeti habarlady.
Bir táýlik ishinde koronavirýs infektsiiasynyń 28 519 jańa jaǵdaiy tirkelgeni jáne indetten 586 adamnyń mert bolǵany rastaldy.
Bir táýlikte 20 539 naýqas, pandemiia bastalǵaly beri 3 477 656 adam aýrýdan aiyqqan.
Memlekette búginge deiin barlyǵy 3 753 224 adam koronavirýstyq infektsiiaǵa shaldyqsa, olardyń 95 778-i indetten mert boldy.
Indoneziiadaǵy Pekanbarý qalasynyń biligi vaktsinatsiia qarqynyn jedeldetti. Munda adamdardy arnaiy jabdyqtalǵan avtobýstarda ege bastady.
Atalmysh kólikter koronavirýsqa qarsy preparattyń 12 myńǵa deiin dozasyn tasymaldaidy.
Bul kún saiyn myńnan astam adamǵa ekpe salýǵa múmkindik beredi.
Uiymdastyrýshylardyń aitýyna qaraǵanda, aldaǵy ýaqytta qalada mundai avtobýstardyń sany artýy múmkin.
Búgingi tańda atalmysh elde vaktsinanyń eki komponentin 12 millionǵa jýyq azamat saldyrǵan.
Kelesi jyly bilik bul kórsetkishti 80 millionǵa deiin arttyrýdy josparlap otyr.
Túrkiiaǵa reseilik «Spýtnik V» vaktsinasynyń alǵashqy partiiasy jetkizildi.
14 maýsymda Reseidiń koronavirýs infektsiiasyna qarsy vaktsinasy bar ushaq Ankaradaǵy Esenboga halyqaralyq áýejaiyna qondy.
Túrkiia biligi reseilik preparattyń elde vaktsinatsiiany tezdetýge yqpal etetindigin atap ótti.
Densaýlyq saqtaý ministrliginiń málimetinshe, sońǵy tórt kúnde Túrkiiada 200 myń adam COVID-19 juqtyrdy, jańa aýrýlardyń sany ósip otyr.
