Kelesi jyldyń naýryz aiynda turǵyndardyń osal toptary úshin qoljetimdi bolatyn koronavirýsqa qarsy vaktsina pandemiianyń barysyn túbegeili ózgertedi. Bul týraly Dúniejúzilik densaýlyq saqtaý uiymy bas direktorynyń keńesshisi jáne DDSU-nyń vaktsinalarǵa qoljetimdilikti qamtamasyz etý akseleratory jumysynyń basshysy Briýs Eilvard aitty, dep habarlaidy Reuters agenttigi.
Briýs Eilvard Pfizer Inc's PFE.N jasap shyǵarǵan koronavirýs infektsiiasyna qarsy vaktsina synaǵynyń sońǵy satysyn «oń» dep baǵalady.
«Bul - anebári aralyq nátije, aldymyzda talai jumys bar... Alaida búgin biz bolashaqta álem úshin jaqsylyqty kútýge úmit beretin oń nátijeler aldyq», - dedi ol 194 eldiń ókili qatysqan forýmda.
Onyń aitýynsha, naýryz aiyna qarai koronavirýs daǵdarysyna bailanysty jaǵdai búkil álem boiynsha júrgizilip otyrǵan jumystyń úlken kóleminiń arqasynda túbegeili ózgerýi múmkin.
Pfizer kompaniiasy óz vaktsinasyn synaqtan ótkizýdiń sońǵy kezeńin 90 paiyz tiimdi dep baǵalaǵan.
Sondai-aq, Pfizer jáne BioNTech kompaniialarynan úmitker vaktsinanyń bastapqyda DDSU-nyń búkil álem boiynsha vaktsinalardy teń qarjylandyrý jáne distribýtsiialaý úshin qurylǵan COVAX Facility qorynyń tiziminde bolmaǵany aitylady.
Eki kompaniia da (Pfizer jáne BioNTech) Amerika biliginen vaktsinany shuǵyl paidalaný úshin ruqsatty osy aida alýǵa daiyn ekenin málimdedi.
