Koronavirýsqa qarsy vaktsinatsiialaýdyń alǵashqy kezeńi memleket esebinen júrgiziledi. Bul týraly búgin OKQ-da ótken baspasóz máslihatynda Densaýlyq saqtaý birinshi vitse-ministri Marat Shoranov málimdedi, dep habarlaidy "Ult aqparat".
«Qaraǵandy farmkombinaty boiynsha vaktsinalardy jetkizý kestesin bekittik. Aqpanda naryqqa 90 myń doza jetkiziledi. Al naýryzda taǵy 150 myń doza óndiriledi. Al sodan keiingi ailarda 600 myń dozadan shyǵarylady. Sáýir men mamyr ailarynan bastap halyqtyń basym kópshiligine vaktsinatsiialaý qoljetimdi bolady», - dedi Marat Shoranov tilshilerdiń suraǵyna bergen jaýabynda.
Sonymen qatar birinshi vitse-ministr qazaqstandyq vaktsina da qatar óndiriletinin aityp ótti.
«Bul óz kezeginde halyqty vaktsinalaýmen kóbirek qamtýǵa múmkindik beredi. Jalpy jyl sońyna deiin 6 mln adamǵa ekpe salýdy josparlap otyrmyz. Alaida mundai kólemdegi vaktsina naryqta bolýy kerek. Bul tegin meditsinalyq kómektiń kepildik berilgen kólemi aiasynda vaktsinatsiia tegin bolady. Elde vaktsinalaýdy memleket esebinen júrgizý qarastyrylyp jatyr. Úkimet rezervinen tiisti qarajat bólinedi. Tiisinshe vaktsinalaý tegin bolady», - dedi ol.
