Koronavirýsqa qarsy alǵashqy vaktsinalar 18 aidan keiin daiyn bolýy múmkin, dep málim etti Dúniejúzilik densaýlyq saqtaý uiymynyń (DDU) basshysy Tedros Adanom Gebreiesýs. Bul týraly "Ult aqparat" uiymyń baspasóz qyzmetine silteme jasap habarlaidy.
«Alǵashqy vaktsina 18 aidan keiin daiyn bolýy múmkin. Sondyqtan biz osy virýspen kúresý úshin búgingi kúni qolda bar «qarýdy» paidalana otyryp, bárin jasaýymyz kerek», - dep keltirilgen onyń sózi uiym saitynda.
DDU basshysy vaktsinalar men terapiialyq quraldardy ázirleý mańyzdy ekenin atap ótti. Alaida, bul zertteý baǵdarlamasynyń bir bóligin ǵana quraidy.
«Olardy ázirleýge ýaqyt qajet bolady. Biraq, onymen bir mezgilde, biz qorǵansyz emespiz», - dep atap ótti Tedros Adanom Gebreiesýs.
«Qoǵamdyq densaýlyq saqtaýdyń infektsiialarmen kúrese alatyn kóptegen negizgi sharalary bar», - dep habarlady ol.
Dúniejúzilik densaýlyq saqtaý uiymy koronavirýstyń jańa túrine COVID-19 ataýyn berdi. Sonymen qatar, DDU basshysy álem elderin jańa koronavirýspen kúresti jandandyrýǵa shaqyrdy. Sondai-aq ol halyqaralyq qaýymdastyqta indettiń aldyn alý úshin «múmkindikter terezesi» bar ekenin atap ótti.
«Bul virýs – qoǵamnyń nómiri birinshi jaýy», - dep túiindedi Gebreisýs.
Ótken táýlikte (11 aqpan kúni saǵat 24:00-degi jaǵdai boiynsha) materiktik Qytaida koronavirýsty juqtyrýdyń 2015 jańa jaǵdailary (Hýbei provintsiiasynda - 1638), 97-si (94-i - Hýbeide) mert bolǵan. Sońǵy málimetter boiynsha, QHR -da koronavirýs aýrýynyń rastalǵan jaǵdailarynyń jalpy sany – 44653, qaza tapqandar – 1113.
