Qazaqstandyq ǵalymdar ázirlep jatqan koronavirýsqa qarsy sýbbirlikti vaktsina klinikalyq zertteýler satysyna jetti.
Bul týraly QR Bilim jáne ǵylym ministrligi málimdedi, dep habarlaidy QazAqparat.
QR Bilim jáne ǵylym vitse-ministri Miras Dáýlenovtyń aitýynsha, Biologiialyq qaýipsizdik máseleleri ǵylymi-zertteý institýty ártúrli zertteý túrlerimen ainalysyp jatyr.
«Institýt vaktsinanyń basqa da túrlerin ázirleidi. Sondai vaktsinalardyń biri – sýbbirlikti (rekombinantty) vaktsina klinikalyq zertteý satysyna jetti. Densaýlyq saqtaý ministrligi ruqsat bergen soń, kóp uzamai jumys bastalady. Biz birneshe platformalarda jumys istep jatyrmyz. Qazaqstandyq inaktivatsiialanǵan vaktsina, is júzinde úshinshi fazanyń 50%-y osy belgige jaqyndady», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Miras Dáýlenovtyń aitýynsha, 19 naýryzda biologiialyq qaýipsizdik máseleleri ǵylymi-zertteý institýty britandyq jáne ońtústikafrikalyq KVI shtamdaryn alǵan. ǴZI polivalentti vaktsina jasaý boiynsha da jumys istep jatyr.
«Osy baǵytta qandai jumys atqaratynymyz týraly suraqtar týyndady. Institýt polivalentti jańa vaktsinany jasaý ústinde. Iaǵni, biz osy shtamdardy zerttep jatyrmyz jáne bolashaqta bul shtamdar bizdiń vaktsinalarymyzdy jetildirýde qoldanylady. Mundai vaktsinalar negizinen polivalentti – tumaýǵa qarsy vaktsinalar bolady. Sebebi tumaý únemi mýtatsiialanyp otyrady jáne vaktsinanyń tiimdiligin arttyrý úshin únemi jaqsy nátije izdeý kerek», - dedi M. Dáýlenov.
Aita keteiik, Biologiialyq qaýipsizdik problemalary ǵylymi-zertteý institýty búginge deiin koronaviýrsqa qarsy vaktsinanyń 5 túrin ázirlegen.
