قازاقستاندىق عالىمدار ەزٸرلەپ جاتقان كوروناۆيرۋسقا قارسى سۋببٸرلٸكتٸ ۆاكتسينا كلينيكالىق زەرتتەۋلەر ساتىسىنا جەتتٸ.
بۇل تۋرالى قر بٸلٸم جەنە عىلىم مينيسترلٸگٸ مەلٸمدەدٸ, دەپ حابارلايدى قازاقپارات.
قر بٸلٸم جەنە عىلىم ۆيتسە-مينيسترٸ ميراس دەۋلەنوۆتىڭ ايتۋىنشا, بيولوگييالىق قاۋٸپسٸزدٸك مەسەلەلەرٸ عىلىمي-زەرتتەۋ ينستيتۋتى ەرتٷرلٸ زەرتتەۋ تٷرلەرٸمەن اينالىسىپ جاتىر.
«ينستيتۋت ۆاكتسينانىڭ باسقا دا تٷرلەرٸن ەزٸرلەيدٸ. سونداي ۆاكتسينالاردىڭ بٸرٸ – سۋببٸرلٸكتٸ (رەكومبينانتتى) ۆاكتسينا كلينيكالىق زەرتتەۋ ساتىسىنا جەتتٸ. دەنساۋلىق ساقتاۋ مينيسترلٸگٸ رۇقسات بەرگەن سوڭ, كٶپ ۇزاماي جۇمىس باستالادى. بٸز بٸرنەشە پلاتفورمالاردا جۇمىس ٸستەپ جاتىرمىز. قازاقستاندىق يناكتيۆاتسييالانعان ۆاكتسينا, ٸس جٷزٸندە ٷشٸنشٸ فازانىڭ 50%-ى وسى بەلگٸگە جاقىندادى», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ميراس دەۋلەنوۆتىڭ ايتۋىنشا, 19 ناۋرىزدا بيولوگييالىق قاۋٸپسٸزدٸك مەسەلەلەرٸ عىلىمي-زەرتتەۋ ينستيتۋتى بريتاندىق جەنە وڭتٷستٸكافريكالىق كۆي شتامدارىن العان. عزي پوليۆالەنتتٸ ۆاكتسينا جاساۋ بويىنشا دا جۇمىس ٸستەپ جاتىر.
«وسى باعىتتا قانداي جۇمىس اتقاراتىنىمىز تۋرالى سۇراقتار تۋىندادى. ينستيتۋت پوليۆالەنتتٸ جاڭا ۆاكتسينانى جاساۋ ٷستٸندە. ياعني, بٸز وسى شتامداردى زەرتتەپ جاتىرمىز جەنە بولاشاقتا بۇل شتامدار بٸزدٸڭ ۆاكتسينالارىمىزدى جەتٸلدٸرۋدە قولدانىلادى. مۇنداي ۆاكتسينالار نەگٸزٸنەن پوليۆالەنتتٸ – تۇماۋعا قارسى ۆاكتسينالار بولادى. سەبەبٸ تۇماۋ ٷنەمٸ مۋتاتسييالانىپ وتىرادى جەنە ۆاكتسينانىڭ تيٸمدٸلٸگٸن ارتتىرۋ ٷشٸن ٷنەمٸ جاقسى نەتيجە ٸزدەۋ كەرەك», - دەدٸ م. دەۋلەنوۆ.
ايتا كەتەيٸك, بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتى بٷگٸنگە دەيٸن كوروناۆيۋرسقا قارسى ۆاكتسينانىڭ 5 تٷرٸن ەزٸرلەگەن.
