Ortalyq kommýnikatsiialar ortalyǵynda ótken brifingte dáriger kornavirýsqa qarsy ekpe alǵannan keiin qalai kútiný kerektigi aityldy, dep habarlaidy QazAqparat.
«Eger ekpeden keiin dene qyzýy 37,0-37,5 aralyǵynda kóteriletin bolsa adam emhanadaǵy dárigeriniń baqylaýynda bolýy kerek. Ókinishke qarai, koronavirýs ókpeni ǵana emes, býyndardy da zaqymdaidy. Ekpeden keiin deen qyzýy kóterilgen adam eń bolmaǵanda qan taldaýyn jasatýy kerek. Qajet bolǵan jaǵdaida sáýleli diagnostika jasalady. Osy tekseristiń nátijesinde onyń jaǵdaiy qalai ekeni, qalai emdeý kerek ekendigi anyqtalady», - deidi «Kardiologiia jáne ishki aýrýlar» ǴZI-diń ishki aýrýlar kafedrasynyń professory, meditsina ǵylymdarynyń doktory Sáýle Qasenova.
«Sanitariialyq-epidemiologiialyq saraptama jáne monitoring ǵylymi-praktikalyq ortalyǵy» filialy direktorynyń orynbasary Manar Smaǵul ekpeden keiin dene qyzýy kóterilip, býyndardyń aýyrýy – kútiletin reaktsiia ekenin aitty.
«Vaktsina ekkenge deiin de, keiin de kútiný kerek. Allergiia bolmas úshin buryn dep kórmegen taǵamdy da jemei tura turǵan jón. Sondai-aq, buryn qoldanyp kórmegen átirdi de qoldanbaý kerek. Ekpe ektirgennen keiin «kornavirýspen endi aýyrmaimyn» dep oilap qalýǵa bolmaidy. Maska taǵyp, saqtyq sharalaryn qoldanýdy jalǵastyra berý kerek, sebebi koronavirýsqa qarsy immýnitet qalyptasýy úshin ýaqyt kerek», - deidi ol.
Aita keteiik, 1 aqpanda Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
