Ázerbaijan Úkimeti túriktiń Keymen İlaç kompaniiasynan koronavirýsqa qarsy 4 mln vaktsina satyp alý týraly sheshim qabyldady, dep habarlaidy Report.az agenttigi.
Ázerbaijan tarapyna satylatyn vaktsinalar partiiasynyń quny 80 mln manat (shamamen 47 mln dollar) turady.
Úkimettiń sheshimine sáikes, shyǵynnyń bir bóligi koronavirýsqa qarsy kúres qorynyń esebinen, al taǵy bir bóligi Qarjy ministrliginiń esebinen jabylady. Bastapqy kezeńde jalpy somanyń 50 paiyzy tólenedi.
Budan buryn Meditsinalyq aýmaqtyq bólimshelerdi basqarý boiynsha birlestiginiń (TƏBİB) tóraǵasy Ramin Bairamly vaktsinatsiiany satyp alǵannan keiin Ázerbaijanda tiisti elektrondy júie jumysyn bastaitynyn málim etken edi.
TƏBİB basshysy azamattarǵa vaktsina eki qabyldaý boiynsha salynatynyn aitqan bolatyn:
«Alǵashqy doza salynatyn adamdarǵa protsedýrany qaitalaý qajettigi eskertiledi. Elektrondy júie e-təbib baǵdarlamasyna negizdelgen. Ol shamamen daiyn. Sonymen qatar, biz árbir adam úshin shtrihkody bar COVID-19 qujatyn ázirledik», - dedi TƏBİB basshysy.
Ázerbaijannyń ministrler kabinetiniń janyndaǵy Jedel shtabtyń málimetine sáikes, keiingi táýlikte elde 2 284 adamnyń koronavirýs juqtyrǵany anyqtalǵan. 4 392 naýqas jazylyp shyǵyp, 41 adam kóz jumǵan. Qazirgi ýaqytta elde koronavirýsty juqtyrǵandardyń sany 205 877 adamǵa jetti. Olardyń ishinde 147 199 adam saýyǵyp shyǵyp, 2294 adam qaitys bolǵan. Mamandandyrylǵan aýrýhanalarda 56 384 myń adam em alyp jatyr.
Eske sala ketsek Ázerbaijanda 14 jeltoqsannan 2021 jylǵy 18 qańtarǵa deiin qatańdatylǵan karantin rejimi engizilgen. Ol rejim azamattardyń qozǵalysyn, bólshektik saýda nysandar men qoǵamdyq tamaqtaný oryndarynyń jumysyn shekteidi.
