Koronovirýs infektsiiasyna bailanysty elordalyq JOO-lar qashyqtan oqytýǵa kóshirile me? Bul suraqqa búgin qala ákimdiginde ótken brifingte jaýap berildi, dep habarlaidy "Ult aqparat".
«QR Densaýlyq saqtaý ministrligi kún saiyn qazirgi jaǵdaiǵa bailanysty álem boiynsha monitoring júrgizedi jáne ol týraly úkimet deńgeiinde baiandalady. Basqa memleketterden elimizge kelip jatqan adamdardan koronavirýs anyqtalǵan jaǵdaida stýdentterdiń oqýyna qatysty qandaida bir ózgeris bolýy múmkin. Biraq dál qazirgi ýaqytta buǵan qatysty eshqandai sheshim qabyldanǵan joq jáne eshqandai qujatqa qol qoiǵan joqpyz», - deidi Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qisyqova.
Buǵan deiin áleýmettik jelilerde, onyń ishinde WhatsApp messendjerinde álemde koronavirýs infektsiiasynyń órshýine bailanysty joǵary oqý ornynyń stýdentteri sabaqty qashyqtan oqityny týraly aqparat taraǵan bolatyn.
