Dúniejúzilik densaýlyq saqtaý uiymy koronavirýsqa bailanysty jariialanǵan tótenshe jaǵdai rejimin alyp tastamaidy. Bul týraly juma kúngi brifingte uiymnyń bas direktory Tedros Adhanom Gebreiesýs aitty, - dep habarlaidy "Ult aqparat".
«Men osydan úsh ai buryn tótenshe jaǵdai jónindegi komitettiń otyrysyn ótkizip, olardyń nusqaýyn aldym. Sodan keiin jahandyq tótenshe jaǵdai rejimin jariialadyq. Bul – DDSU úshin qaýiptiń eń joǵary deńgeii», - dedi T. Gebreiesýs.
Beisenbide uiymnyń tótenshe jaǵdai jónindegi komiteti qaita jinalyp, pandemiianyń damý barysyna baǵa berdi.
«Árine, ázirge pandemiia densaýlyq saqtaý salasyndaǵy halyqaralyq mańyzy zor tótenshe jaǵdai bolyp qala beredi», - dep atap ótti Tedros Adhanom Gebreiesýs.
Onyń aitýynsha, halyqaralyq meditsina-sanitarlyq erejelerge sáikes, tótenshe jaǵdai komitetiniń otyrysy 90 kúnnen keiin nemese qajet bolǵan jaǵdaida odan erterek qaita ótýi múmkin.
