20 naýryzdan bastap Saýd Arabiiasy Koroldiktiń koronavirýsty toqtatý sharalary aiasynda Mekke men Medinedegi meshitterdi jaýyp jatyr. Bul týraly búgin Úlken meshit pen Paiǵambat meshiti isi jónindegi bas basqarmanyń ókili málim etti, dep habarlaidy Al Arabiya portaly.
«Koronavirýstyń taralýynyń aldyn alý jáne eskertý sharalary aiasynda Qaýipsizdik jáne densaýlyq saqtaý qyzmeti 20 naýryzdan bastap Mekkedegi Úlken meshit pen Medinedegi Paiǵambar meshitine barýǵa tyiym saldy jáne syrtqy saraiynda namaz oqýdy toqtatý týraly sheshim qabyldady», - dep habarlady baspasóz qyzmetiniń ókili Twitter-degi málimdemesinde.
Densaýlyq saqtaý ministrliginiń málimetinshe, 19 naýryzdaǵy jaǵdai boiynsha Saýd Arabiiasynda 274 adam koronavirýs juqtyrǵan.
Beisenbi kúni keshkisin Korol Salman ibn Abdýl-Aziz telearna arqyly málimdeme jasap, koronavirýsqa qarsy kúreste úkimettiń barlyq sharalardy qabyldap jatqanyn jáne eldegi ár turǵyn men azamatty dári-dármekpen, azyq-túlikpen jáne kerek zattarmen qamtamasyz etý úshin bar kúshin salyp jatqanyn aitty.
