Izrail densaýlyq saqtaý ministrligi koronavirýsqa bailanysty Reseidi "qaýipti elder" qataryna engizdi. Izraildiń barlyq azamattaryna keminde 13 maýsymǵa deiin Reseige barýǵa tyiym salyndy. Tyiymnyń koronavirýstan jazylǵandar men ekpe alǵandarǵa da qatysy bar. Reseige barýǵa májbúr azamattar komissiianyń arnaiy ruqsatyn alýy kerek.
Al osy ýaqyt aralyǵynda Reseiden Izrailge baratyndar eki apta karantinde bolady.
Reseiden bólek, "qaýipti elder" tiziminde Argentina da bar.
Reseidiń koronavirýspen kúres jónindegi jedel shtabynyń málimetinshe, sońǵy bir kúnde elde 9,5 myńnan astam naýqas anyqtalǵan. Bul - naýryzdyń jartysynan beri tirkelgen eń joǵary kórsetkish. Jańa naýqastardyń úshten bir bóligi Máskeýde tirkelgen. Osyǵan deiin Máskeý meri Sergei Sobianin muny "maýsymdyq qubylys" dep atap, naýqastardyń artýyna mamyr aiyndaǵy uzaq demalystar áser etti dep málimdegen.
Al Resei prezidenti Vladimir Pýtin "demalys epidemiiany báseńdetedi" degen mamandardyń sózine súiene otyryp, 1 mamyr men 10 mamyr aralyǵynda demalys jariialaǵan edi.
Qazir Reseide byltyrǵy kóktemge qaraǵanda karantin sharalary edáýir jumsarǵan. Qazir qoǵamdyq shara ótkizýge shekteý qoiylǵan, azamattar qoǵamdyq oryndarǵa barǵan kezde maska taǵýy tiis.
