Elordada koronavirýs infektsiiasynyń taralýyna jol bermeý baǵytynda úlken jumys atqarylyp jatyr. Bul týraly Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qisyqova aitty, dep habarlaidy "Ult aqparat".
«Aýrý juqtyrǵan adamdarmen bailanysta bolǵandardy anyqtaý belsendi túrde júrgizilip jatyr. Koronavirýstyq infektsiiany tasymaldaýshy ekeni anyqtalǵandardyń árqaisysy keminde 30-50 adammen bailanysta bolǵan. Olardy oqshaýlaý boiynsha jumys júrgizilip jatyr. Bul adamdar atalǵan infektsiiany belsendi tasymaldaýshy bolyp sanalmaidy. Qazirgi ýaqytta olardy aýrýhanaǵa jatqyzý jumystary bastaldy», - deidi Sáýle Qisyqova Habar24 arnasynda ótken onlain brifingte.
