Tanymal ánshi Meirambek Besbaev koronavirýstan tezirek saýyǵyp ketýin tilegen Qazaqstan halqyna alǵysyn bildirdi, dep habarlaidy "Ult aqparat".
"Eń áýeli emime shipa berip, el qataryna qaita qosqan Allaǵa sansyz shúkirlik. Meniń tileýimdi tilep otyrǵan ata-anama, otbasyma, baýyrlaryma, ónerdegi aǵa-ápkelerime, dostaryma myń alǵys", - dep jazdy Besbaev Instagram paraqshasynda.
Ánshi sondai-aq es bilgeli beri alaqanyna salyp áldilep kele jatqan eline alǵys bildirdi.
"Qadirli aǵaiyn, sizderdiń tilekterińizge basymdy iip rahmetimdi aitamyn. Aq halatty abzal jandarǵa alǵysym sheksiz. Indettiń bary ras. Saqtanyńyzdar. Kútinińizder", - dep túiindedi ánshi.
Eske sala keteiik, 17 qańtarda Meirambek Besbaevqa koronavirýs diagnozy qoiylǵany belgili boldy. "MýzART" tobynyń direktory Erlan Júnisbaidyń aitýynsha, ánshiniń jaǵdaiy nasharlap, jedel járdem shaqyrǵan.
