QR Densaýlyq saqtaý ministrligi Qoǵamdyq densaýlyq saqtaý departamentiniń direktory Maǵripa Embergenova koronavirýs juqtyrǵan dárigerlerdiń jaǵdaiyn aitty, dep habarlaidy "Ult aqparat".
«Búginde Qazaqstanda 120 meditsina qyzmetkeri infektsiiany juqtyrýyna bailanysty em alyp jatyr. Olardyń da jaǵdaiyn infektsionistermen, pýlmonologtarmen jáne qarqyndy terapevtermen baqylanyp otyr. Jaǵdailary qanaǵattanarlyq dep baǵalanady. Olar turaqty baqylaýymyzda tur», - dedi ol Ortalyq kommýnikatsiialar qyzmetindegi onlain-brifingte.
Osy rette Qazaqstanǵa kómek kórsetýge kelgen QHR ShUAR Halyqtyq aýrýhanasy bas dárigeriniń orynbasary Lý Chen óz elinde koronavirýs juqtyryp alǵan dárigerler jaiynda aityp berdi.
«Qytaida 3 387 meditsina qyzmetkeri aýyrdy. Olardyń 90 paiyzy - Ýhan qalasynyń turǵyndary, sol qalanyń meditsina qymetkerleri. Bul qyzmetkerler indet ýshyǵyp turǵan sátte juqtyryp alǵan. Biz meditsina qyzmetkerlerin oqytý, qorǵanys quraldarymen qamtamasyz etý arqyly kúrestik. Osyndai sharalar qabyldanǵannan keiin dárigerler arasynda indet juqtyrý jaǵdailary óte az boldy. Bul jaqsy nátije berdi», - dedi Lý Chen.
