Qostanai oblysynda koronavirýsty juqtyrýshylar sanynyń artýyna bailanysty dárigerler men epidemiologtar aimaq halqyna úndeý jasady, dep habarlaidy "Ult aqparat".
«KVI juqtyrý kórsetkishiniń artýy jalǵasyp otyr. Keshe 231 jaǵdai tirkeldi. Kún saiyn ósý úrdisi baiqalady. Osy táýlikte ósim - 1,1%. Negizinen adamdardyń ózderi KVI-diń alǵashqy belgileri paida bolǵan kezde meditsinalyq mekemelerge júginedi. Keshe aýrý jutyrǵandandyń 83% – dárigerge ózi kelip júgingender», - dep atap ótti Qostanai oblysy sanitarlyq-epidemiologiialyq baqylaý departamenti basshysynyń orynbasary Iýrii Sevostianov.
Sondai-aq, Iu.Sevostianovtyń aitýynsha, epidemiiaǵa qarsy sharalardy júrgizý barysynda naýqastarmen bailanysta bolǵan 288 adam anyqtaldy.
Jalpy aýrýdy tirkeý bastalǵannan beri 20 myńnan astam naýqas tirkeldi.
«Qazirgi qalyptasyp otyrǵan jaǵdaiǵa adamdar túsinistikpen qaraýy úshin halyqqa júgingim keledi. Aýrýdyń ósimi baiqalady. Sondyqtan belgili bir sharalar ótkiziledi jáne halyq epidemiiaǵa qarsy sharalarǵa túsinistikpen qaraýy tiis», - dep atap ótti ol.
Oblystyq densaýlyq saqtaý basqarmasy basshysynyń orynbasary Anjela Beksultanovanyń aitýynsha, jaqynda qalalyq aýrýhanada ashylǵan infektsiialyq statsionar tolyp ketken.
«Qalalyq aýrýhanada 280 oryn bar, onda qazirdiń ózinde 200-ge jýyq adam emdelýde. Qurmetti oblys turǵyndary! Memleketke bir naýqasty emdep shyǵý 1 million teńgege túsedi. Halyq jaǵdaidyń shynymen aýyr ekenin oilansa deimin. Sondyqtan halyqtan koronavirýs infektsiiasyna qarsy profilaktikalyq vaktsinatsiiaǵa belsendi túrde qatysýdy suraimyn», - dedi ol.
Buǵan deiin Qostanai oblysynda 239 myńnan astam adam vaktsina alǵany habarlanǵan bolatyn. Bul - aimaq halqynyń 47%.
