Infektsiianyń taralýyn toqtatý maqsatynda oblystyq deńgeide, qalalyq deńgeide karantin jariialanýy múmkin. Bul týraly eldegi koronavirýs jaǵdaiy jaily onlain brifingte aityldy, dep habarlaidy "Ult aqparat".
«Karantin jaǵdaiynda tek sheteldik azamattar ǵana syrtqa shyǵa alady jáne ózimizdiń eldiń azamattary ǵana elge kire alady. Shetel azamattary elge kire almaidy. Ár óńirdiń epidemiologiialyq jaǵdaiyna bailanysty ákimder sheshim qabyldaidy. Qazirgi zańnama boiynsha, bul sheshimdi oblystyń ne aýdannyń bas sanitar dárigeri jariialaidy. Mysaly, Almaty qalasyndaǵy bas sanitar dáriger óziniń qaýlysymen qajetti karantindik sharalar engizý boiynsha sheshim qabyldaidy jáne ony ákimshilik, basqa da memlekettik organdar, uiymdar mindetti túrde oryndaýy tiis», - deidi QR Densaýlyq saqtaý ministri Eljan Birtanov.
Onyń aitýynsha, kesheden bastap Atyraý oblysynda, Qaraǵandy qalasynda, Aqtóbe oblysynda bas sanitar dárigerler sheshim qabyldaǵan.
«Karantindik sharalardyń negizgi maqsaty – infektsiianyń taralýyn joiý. Bul infektsiia el arasynda áleýmettik qarym-qatynas negizinde taraidy. Biz týystarmen, basqa da adamdarmen jumys boiynsha, ártúrli sebepter boiynsha aralasamyz. Sony tezirek toqtatsaq, infektsiia da toqtaidy. Kóbinese bul aýrýdan eki apta ishinde emdelip shyǵyp jatyr. Osy jaǵdaida emdeletin deńgeiimiz aýyratyn deńgeiden ozady. Sol sebepti de oblystyq deńgeide, qalalyq deńgeide karantin bolýy múmkin. Qala ishinde turǵyn úi, aýrýhana, jataqhanada karantin engizýimiz múmkin, óitkeni infektsiia tabylyp, kóp adam aýyrsa – olar sol jerden shyqpai, emdelýi tiis», - deidi ol.
