ينفەكتسييانىڭ تارالۋىن توقتاتۋ ماقساتىندا وبلىستىق دەڭگەيدە, قالالىق دەڭگەيدە كارانتين جارييالانۋى مٷمكٸن. بۇل تۋرالى ەلدەگٸ كوروناۆيرۋس جاعدايى جايلى ونلاين بريفينگتە ايتىلدى, دەپ حابارلايدى "ۇلت اقپارات".
«كارانتين جاعدايىندا تەك شەتەلدٸك ازاماتتار عانا سىرتقا شىعا الادى جەنە ٶزٸمٸزدٸڭ ەلدٸڭ ازاماتتارى عانا ەلگە كٸرە الادى. شەتەل ازاماتتارى ەلگە كٸرە المايدى. ەر ٶڭٸردٸڭ ەپيدەميولوگييالىق جاعدايىنا بايلانىستى ەكٸمدەر شەشٸم قابىلدايدى. قازٸرگٸ زاڭناما بويىنشا, بۇل شەشٸمدٸ وبلىستىڭ نە اۋداننىڭ باس سانيتار دەرٸگەرٸ جارييالايدى. مىسالى, الماتى قالاسىنداعى باس سانيتار دەرٸگەر ٶزٸنٸڭ قاۋلىسىمەن قاجەتتٸ كارانتيندٸك شارالار ەنگٸزۋ بويىنشا شەشٸم قابىلدايدى جەنە ونى ەكٸمشٸلٸك, باسقا دا مەملەكەتتٸك ورگاندار, ۇيىمدار مٸندەتتٸ تٷردە ورىنداۋى تيٸس», - دەيدٸ قر دەنساۋلىق ساقتاۋ مينيسترٸ ەلجان بٸرتانوۆ.
ونىڭ ايتۋىنشا, كەشەدەن باستاپ اتىراۋ وبلىسىندا, قاراعاندى قالاسىندا, اقتٶبە وبلىسىندا باس سانيتار دەرٸگەرلەر شەشٸم قابىلداعان.
«كارانتيندٸك شارالاردىڭ نەگٸزگٸ ماقساتى – ينفەكتسييانىڭ تارالۋىن جويۋ. بۇل ينفەكتسييا ەل اراسىندا ەلەۋمەتتٸك قارىم-قاتىناس نەگٸزٸندە تارايدى. بٸز تۋىستارمەن, باسقا دا ادامدارمەن جۇمىس بويىنشا, ەرتٷرلٸ سەبەپتەر بويىنشا ارالاسامىز. سونى تەزٸرەك توقتاتساق, ينفەكتسييا دا توقتايدى. كٶبٸنەسە بۇل اۋرۋدان ەكٸ اپتا ٸشٸندە ەمدەلٸپ شىعىپ جاتىر. وسى جاعدايدا ەمدەلەتٸن دەڭگەيٸمٸز اۋىراتىن دەڭگەيدەن وزادى. سول سەبەپتٸ دە وبلىستىق دەڭگەيدە, قالالىق دەڭگەيدە كارانتين بولۋى مٷمكٸن. قالا ٸشٸندە تۇرعىن ٷي, اۋرۋحانا, جاتاقحانادا كارانتين ەنگٸزۋٸمٸز مٷمكٸن, ٶيتكەنٸ ينفەكتسييا تابىلىپ, كٶپ ادام اۋىرسا – ولار سول جەردەن شىقپاي, ەمدەلۋٸ تيٸس», - دەيدٸ ول.
