iKOMEK qalalyq ortalyǵy Nur-Sultan qalasynyń turǵyndary men qonaqtaryna koronavirýstyq infektsiia (COVID-19) simptomdary men ol anyqtalǵan jaǵdaidaǵy is-qimyl tártibi týraly 1-0-9 qysqa nómiri arqyly 24/7 boiy konsýltatsiia beredi, dep habarlaidy "Ult aqparat" qala ákiminiń resmi saityna silteme jasap.
Tótenshe jaǵdai men karantinniń engizilýine bailanysty iKOMEK qalalyq ortalyǵy kúsheitilgen jumys tártibine ótip, iKOMEK109 biryńǵai bailanys ortalyǵy operatorlarynyń jelisi 53 operatorǵa deiin ulǵaidy, kezek keńeitilip, qatarynan 120 kiris qońyraýǵa deiin qabyldai alady.
«Ótken táýlikte iKOMEK109-ǵa 8 000-nan astam ótinish kelip tústi, onyń 4 000 koronavirýstyq infektsiiaǵa qatysty. 13 naýryz ben 20 naýryz aralyǵynda koronavirýs boiynsha 10 000-ǵa jýyq ótinish tirkeldi. Turǵyndardy alańdatqan máselelerdi taldaý negizinde biz jii qoiylatyn suraqtarǵa jaýaptar ázirledik», - deidi iKOMEK qalalyq ortalyǵynyń basshysy Jannat Dúbirova.
Qosymsha, Nur-Sultan qalasynyń turǵyndary barlyq máseleler boiynsha iKOMEK109-ǵa kelesi servisterdiń kómegimen júgine alady:
- Ákimdiktiń resmi saity astana.gov.kz
- iKOMEK109 mobildi qosymshasy (PlayMarket/AppStore);
- Telegram chat-boty (t.me/nursultanikomek109_bot);
- Smart Astana mobildi qosymshasy (PlayMarket/AppStore);
- Aitu.city portaly.
