Juma kúni Japoniianyń Qorǵanys ministri Nobýo Kisi elde COVID-19 virýsyna qarsy jappai vaktsinalaýdyń memlekettik ortalyqtarynyń 16 jastaǵy jáne odan asqan adamdarǵa ekpe salý múmkindigin qarastyryp otyrǵanyn málimdedi. Bul týraly QazAqparat Kyodo aqparat agenttigine silteme jasap habarlaidy.
Ózin-ózi qorǵaý kúshteri basqaryp otyrǵan Tokio jáne Osakada ortalyqtardyń kóshýi koronavirýstyń óte juqpaly bolyp tabylatyn Delta shtamynyń balalar arasynda infektsiia juqtyrý sanynyń ósýine bailanysty bolyp otyr.
Vaktsinalaý pýnkterinde amerikandyq Moderna Inc. Farmatsevtikalyq kompaniiasynyń ekidozaly vaktsinasy qoldanylýda, ony 12 jáne odan asqan adamdarǵa salýǵa ruqsat etilgen.
Japoniiada 16 jastan asqandarǵa ekpe saldyrtý úshin ata-analary nemese qamqorshylarynyń ruqsaty nemese olardyń birge erip júrýi qajet emes.
El úkimetiniń málimetinshe, Japoniiada 125 million halyqtyń 50 paiyzdan astamy COVID-19 virýsyna qarsy vaktsina alǵan. Úkimet ekpe alýǵa quqyǵy bar barlyq adamdardy qarasha aiyna qarai tolyq vaktsinalaýdy josparlap otyr.
