Oblystyq densaýlyq saqtaý basqarmasynyń baspasóz qyzmeti Tobyl qalasyndaǵy aýrýhananyń jabylýy týraly aqparatty teriske shyǵardy, dep habarlaidy "Ult aqparat".
Áleýmettik jelilerde Tobyl qalasyndaǵy (burynǵy Zatobol – red.) ortalyq aýrýhananyń koronavirýsqa bailanysty ýaqytsha jabylǵany týraly beinejazba taraǵan. Alaida resmi organ muny joqqa shyǵardy.
«Bizdiń oblysta koronavirýs jaǵdaiy tirkelgen joq. Ortalyq aýrýhana josparly túrde jumys istep tur. Jalǵan aqparat taratqandar QR QK 274-baby boiynsha jaýap beredi» delingen oblystyq densaýlyq saqtaý basqarmasynyń baspasóz qyzmeti taratqan aqparatta.
Qazirgi ýaqytta áleýmettik jelide jariialanǵan video boiynsha oblystyq politsiia departamenti zertteý jumysyn júrgizip jatyr.
Tekserý nátijesinde bul Qostanai óńiriniń aýrýhanasy emes ekeni anyqtaldy. Tobyl qalasy ortalyq aýrýhanasynyń bas dárigeri Syrlybek Meshanov jalǵan aqparat taratqandardy anyqtaý úshin politsiiaǵa júgindi.
