Atyraý oblysyndaǵy Teńiz kenishine merdiger kompaniialardyń jumysshylary jalǵan PTR test anyqtamasymen kelgen, dep habarlaidy "Ult aqparat".
Bul týraly óńirlik kommýnikatsiialar qyzmetiniń alańynda ótken onlain-brifingte «Teńizshevroil» kompaniiasynyń Úkimetpen jáne jurtshylyqpen bailanys bóliminiń bas menedjeri Rzabek Artyǵaliev málim etti.
«Merdiger mekemelerdiń keibir qyzmetkerleri sanitarlyq beketterden jalǵan PTR-test anyqtamalardy kórsetý arqyly ótken faktiler anyqtaldy. Osyndai qyzmetkerlerge berilgen ruqsattar dereý joiyldy. Óreskel faktiler týraly tiisti memlekettik organdarǵa habarlandy. Resmi tergeý júrgiziledi dep kútilýde», - dedi Rzabek Artyǵaliev.
