Atyraý oblysynda Teńiz kenishinde ótken táýlikte koronavirýs infektsiiasyn 42 jumysshy juqtyrdy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetine qaraǵanda ótken táýlikte 61 adamnan koronavirýs infektsiasy PTR-test arqyly rastalǵan.
«Qaýipti indetke shaldyqqan naýqastardyń 19-y Atyraý qalasynda tirkelip otyr. Sondai-aq, Teńiz kenishindegi 42 jumysshydan Sovid-19 infektsiiasy anyqtaldy. Naýqastardyń bárinde aýrý simptomsyz, bir naýqasta simptomdy túrde ótýde. Indet juqtyrǵandardyń bireýi meditsina mamanyna óz erkimen júgingen» -dep habarlady basqarmanyń baspasóz qyzmeti.
Ótken táýikte 11 patsient qaýipti indetten saýyǵyp shyqqan. Qazir koronavirýs infektsiiasynan jazylyp shyqqandar sany 11401 adamǵa jetti.
Oblystyq infektsiialyq statsionarda 38, aýdandardaǵy statsionarlarda 5 (Inderde 3, Qyzylqoǵada 2), al, Teńiz kenishindegi infektsiialyq statsionarda 174 naýqas jatyr. Úi jaǵdaiynda 164 patsient em qabyldaýda.
