1 aqpanda Qazaqstan aýmaǵyna Maldiv, BAÁ, Mysyr, Túrkiia, Resei, Belarýs men Ázerbaijan elderinen 8 halyqaralyq áýe reisi ushyp keldi, dep habarlaidy QR Densaýlyq saqtaý ministrligi Sanitariialyq-epidemiologiialyq baqylaý komiteti.
Keshe elge barlyǵy 874 jolaýshy ushyp kelgen. Onyń 741-inde koronavirýsqa qarsy PTR-testileýdiń teris nátijesi bar anyqtama bolǵan, 133-i anyqtamasyz kelgen, barlyǵy – QR azamattary.
Atap aitqanda:
- Almaty qalasynyń áýejaiyna – 5 reis qondy, 573 jolaýshy, anyqtamamen - 466, anyqtamasyz - 107;
- Nur-Sultan qalasynyń áýejaiyna – 2 reis, 166 jolaýshy, anyqtamamen - 141; anyqtamasyz - 25;
- Aqtaý qalasynyń áýejaiyna – 1 reis, 135 jolaýshy, anyqtamamen - 134; anyqtamasyz - 1.
Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde. Sondai-aq málim etilgendei, 31 qańtar kúni elge PTR-anyqtamasyz ushyp kelgen QR-dyń 644 azamatynyń taldaý nátijeleri daiyn boldy. Oǵan sáikes, eshbir jolaýshydan koronavirýs indeti anyqtalmady.
