Koronavirýs sozymaly, onkologiialyq aýrýlary bar adamdar úshin óte qaýipti. Mundai pikirdi meditsina ǵylymdarynyń doktory, professor Nurlybek Úderbaev bildirdi, dep habarlaidy QazAqparat.
«Virýs qannyń uiǵyshtyǵyna áser etedi. Kishkentai-kishkentai trombtar paida bolady. Aǵzada ainalym oryn alady. Aldymen qolqadan bastalyp, onyń diametri 5 santimetrdi quraidy. Odan keiin diametri 1 santiaetr bolatyn kúretamyrǵa, sonan soń qyltamyrǵa, mikrokapilliarǵa jalǵasady. Osy kishentai trombtar aǵza arqyly ótip, tamyrdyń jińishke jerine turyp qalady. Bul negizinen ókpe júiesine qatysty. Trombtar qyltamyrlardy bitep tastap, sonyń saldarynan ókpede gaz almasý bolmai qalady. Iaǵni, eń aldymen ókpe zardap shegip, adamnyń tynysy alýy qiyndai bastaidy. Koronavirýs infektsiiasynyń ótý mehanizmi mine osyndai», - dep túsindiredi dáriger.
Onyń atap ótýinshe, ókpe zaǵymdanǵannan keiin onyń jumysyn qaita qalpyna keltirý óte qiynǵa soǵady.
«Koronavirýsqa aǵzanyń álsiz bolǵany qajet. Adamdardyń barlyǵy birdei 100 paiyz aýyrmaidy. Patsientterdiń 5-6 paiyzy aýrýǵa shaldyǵady. Demek, 100 adamnyń ishinde 5-6 adam aýrýy múmkin. Qalǵandary aýyrmaidy. Álemde de dál osyndai jaǵdai oryn alyp otyr. Sondyqtan aǵzada ózgeris qalai oryn alatyndyǵyn bilip otyrý úshin halyq arasynda aqparattandyrý jumysyn júrgizip, olardyń óz problemalaryn der ýaqytynda anyqtap, emdelýine jaǵdai jasaý qajet. Bul halyqtyń aýrý juqtyryp alýynyń aldyn alý dep atalady», - dedi Nurlybek Úderbaev.
Sonymen qatar bilikti dáriger qai sanattaǵy adamdar koronavirýs infektsiiasyn juqtyryp alýdan saq bolýy kerektigin basa aitty.
«Koronavirýs sozymaly aýrýlary, onkologiialyq aýrýlary bar adamdar úshin óte qaýipti. Olarda birinshi kezekte virýs juqtyryp alý patologiiasy bolady. Qazirgi ýaqytta vaktsinany eń aldymen immýndyq júiesi buzylǵan patsientterge emes saý adamdarǵa salǵan durys. Al immýndyq júiesi buzylǵan adamdardy dári-dármekpen, ózge de preparattarmen emdegen jón», - dedi meditsina ǵylymdarynyń doktory.
Al pýlmonolog dáriger Konstantin Garkalovtyń aitýynsha, ókpedegi belgiler infektsiia juqqannan keiingi jetinshi-segizinshi kúnde baiqalady. Jetinshi kúnde kompiýterlik tomografiiadan ókpeniń zaqymdanýyn tek 7-8 paiyz deńgeiinde kórýge bolady, al 14-shi kúnge qarai ókpe 50 paiyzǵa deiin zaqymdanýy múmkin.
«Kompiýterlik tomografiiany jótel men entigý paida bolǵanda jasaý kerek. Ókpeniń zaqymdanýy kórsetkishi naýqas jaǵdaiynyń aýyrlyǵyn kórsetpeidi, sebebi indetpen qatar trombovaskýlit júredi. Bul turǵyda qan qoiýlanyp, trombtar paida bolady. Osy kórsetkishterge adamnyń densaýlyq jaǵdai tikelei bailanysty. Keibir naýqastarda ókpesi 60-70 paiyzǵa zaqymdanǵanymen, ottek satýratsiiasy jaqsy deńgeide kórinedi. Sonymen qatar ókpe tini 30 paiyzǵa zaqymdanǵan keibir adamdarda ottek satýratsiiasy 85-ke deiin tómendegen jaǵdailar kezdesti. Óitkeni tamyrlarda qannyń ainalymy baiaýlap, keri áseri bolady», - dedi ol.
Pýlmonolog dáriger Sattar Eraliev KVI-diń aýyr túrlerinde ókpe ǵana emes, mi jáne vegetativti nervter, baýyr jáne uiqy bezi, búirek zaqymdanatyndyǵyna nazar aýdartady.
«Qazir ministrliktiń tapsyrmasy boiynsha, jergilikti emhanalarda reabilitatsiialyq bólimsheler quryldy. Sol jerde baryp keńes alǵan durys. KVI-dan keiin immýnitet tómendeidi. Sondyqtan tumaýǵa qarsy vaktsina saldyrǵan durys. Jasy kelgen, iaǵni 65-ten asqan kisiler diabetpen, ókpeniń sozylmaly obstrýktivti aýrýymen aýyratyn kisilerge pnevmokokk infektsiiasyna qarsy vaktsina saldyrǵan jón», – dedi dáriger.
