Singapýr banki bir qyzmetkerinen koronavirýs anyqtaǵannan keiin 300 adamdy evakýatsiialady, dep habarlaidy QazAqparat VVS-ge silteme jasap.
«Evakýatsiialanǵan 300 adam koronavirýsqa shaldyqqan qyzmetkermen bir qabatta jumys istegen. Olarǵa úiden jumys isteýge múmkindik berildi», - dep jazady VVS.
Basylymnyń habarlaýynsha, bank aýrýǵa shaldyqqan adamǵa barynsha qoldaý kórsetetinin málimdegen. Sonymen qatar ol adammen qarym-qatynasta bolǵandar tekserilip jatyr.
Aita ketý kerek, Singapýrde koronavirýsqa shaldyqqandar sany 47-ge jetti. Bul - Qytaidan tys jerdegi eń úlken kósetkish. Jalpy Qytaida 44 myńnan astam adam koronavirýsqa shaldyqqan. Sonymen qatar álemniń 20 elinde koronavirýs diagnozy qoiylǵan adamdar bar. Al sársenbi kúni Qytai biligi sońǵy eki aptada koronavirýs juqtyrýdyń jańa jaǵdaiy az tirkelgenin málimdedi.
