Qazaqstannyń shekara qyzmeti COVID-19 pandemiiasyna qarsy qosymsha sharalar qoldanady, dep habarlaidy "Ult aqparat" QR UQK baspasóz qyzmetine silteme jasap.
«Qazaqstan Respýblikasy Úkimeti janyndaǵy Vedomstvoaralyq komissiianyń sheshimi boiynsha kelesi ózgerister engizilgen:
- Qazaqstan Respýblikasy (sonyń ishinde tranzittik sapar) aýmaǵyna kirer kezde ótkizý beketine jetkende 1a) jáne 1b) sanatyndaǵy elderden kelgen júrgizýshiler, sondai-aq 1a) jáne 1b) sanatyndaǵy elderde sońǵy 15 táýlik ishinde bolǵan júrgizýshiler jetkizgen júkter tek karantindik jáne sanitarlyq-epidemiologiialyq normalardyń saqtalýymen avtomobil beketi aýmaǵynda júrgizýshini aýystyrý, nemese qazaqstandyq júk kóligine aýystyrý jaǵdaiynda ǵana ótkiziledi.
Buǵan deiin Shekara qyzmeti 2020 jylǵy 16 naýryzda saǵat 08:00-de Qazaqstan Respýblikasynda tótenshe jaǵdaidyń engizilýine bailanysty QR azamattary, shetel azamattary, sondai-aq syrtqy ekonomikalyq qyzmet qatysýshylaryna memlekettik shekara arqyly kirý-shyǵýǵa shekteý qoiylǵany týraly aqparat taratty.
