Shyǵys Qazaqstan oblysynda shekteý sharalary 17 jeltoqsanǵa deiin uzartyldy, dep habarlaidy "Ult aqparat".
ShQO Bas memlekettik sanitarlyq dárigeri mindetin atqarýshynyń jańa qaýlysy shyqty. Onda óńir boiynsha karantindik shekteýler 17 jeltoqsanǵa deiin sozylǵandyǵy jazylǵan.
«Oblysaralyq jáne halyqaralyq avtobýs qozǵalysyna tyiym salý saqtaldy. Áleýmettik qashyqtyq pen maska rejimin saqtaǵan kezde halyqtyń kóshelerde, saiabaqtarda, alańdarda, jaǵalaýlarda jáne serýendeý aimaqtarynda júrip-turýlaryna ruqsat etildi. Qarttar men múmkindigi shekteýli adamdarǵa arnalǵan meditsinalyq-áleýmettik nysandarda, balalar úilerinde, áleýmettik ońaltý ortalyqtarynda, mektep-internattarda jáne meditsinalyq uiymdarda qyzmetkerlerdi jáne patsientterdi kún saiynǵy tańerteńgi tekserýden ótkizý jalǵasady», - delingen qujatta.
Ata-analarǵa PTR ádisimen COVID-19-ǵa zerthanalyq tekserý arqyly teris nátijelerin alǵan kúnnen bastap, merzimi 3 kúnnen aspaǵan qujatty usynǵan kezde balalar úilerine jetim balalarmen kezdesý úshin, olardy odan ári asyrap alý úshin, qorǵanshylyqty, qamqorshylyqty belgileý úshin balalar úilerine barýlaryna ruqsat etildi.
«Fitnes-ortalyqtar, monshalar men saýnalar (toltyrylýy 50%-dan aspaýy tiis), kitaphanalar, murajailar jumys kúnderi qaita ashylady. Ǵimarattardan tys ornalasqan muz aidyndaryna kiim aýystyrý jáne kelýshilerge arnalǵan úi-jailardy jaba otyryp jumys isteýine ruqsat etiledi. Meditsina ortalyqtary, stomatologiialar aldyn ala jazylý boiynsha jumys isteidi», - delingen qaýlyda.
