Zaisan aýdanynda koronovirýs indeti anyqtaldy degen arandatýshylyq aqparat shyndyqqa sáikes emes. Bul jóninde búgin atalmysh aýdanǵa jedel sapar jasaǵan oblys ákimi Danial Ahmetov málimdedi, dep habarlaidy "Ult aqparat" Baq.kz agenttigine silteme jasap.
Qazirgi ýaqytta Zaisan qalasyndaǵy kolledjge atbasyn burǵan ol jinalǵan kópshilikke atalmysh bilim ordasynyń jataqhanasyna qaýipti dertke bailanysty karantin uiymdastyrylmaitynyn habarlap tynyshtandyrdy.
Búginde kórshi Qytaidan bes Qazaqstan azamatynyń keletinin aitqan óńir basshysy olardyń shekaradan ótken soń 14 kún karantinge jiberiletinin aitty.
Ol adamdar eshkimmen bailanysqa túspei, tolyqtai oqshaýlanady. Al shekaradan ótken adamda qandaida bir aýrý belgileri baiqalsa, ol birden oblys ortalyǵyna arnaiy jabdyqtalǵan kólikpen tasymaldanady. Sondai-aq, aimaq basshysy shekaranyń sheteldik azamattarǵa tolyqtai jabylatynyn atap ótti.
Shekarany jabý úshin úsh kún ýaqyt kerektigin aitty. Halyqaralyq másele bolǵandyqtan oǵan ruqsat alý kerektigin aitty.
Qosa ketsek, qazirgi ýaqytta Zaisan qalasynyń irgesinde ornalasqan qytailyq kompaniiada Qytaidyń 42 azamaty jumys istep jatqan kórinedi. Jergilikti halyq atalǵan adamdardy shekaradan shyǵarýdy talap etýde. Oblys ákimi bul másele halyqaralyq dárejedegi másele bolǵandyqtan, ony sheshý úshin úsh kún ýaqyt kerektigin atap ótti.
Esterińizge sala keteiik, Zaisan aýdanynyń Saryterek aýylynyń turǵyndary 19 aqpan kúni narazylyqpen aýyldyń ambýlatoriiasynyń aldyna jinalǵan bolatyn. Halyqtyń jinalý sebebi aýyldyń turǵyndaryn esh eskertýsiz aýdandyq aýrýhananyń bas dárigeri men onyń orynbasarlary "mynaý buiryq" dep bir japyraq qaǵazben erteń tańerteń Qazaqstan men Qytai memleketiniń Maiqapshaǵai shekara beketinen avtobýspen Qytaidan beri kelgen jolaýshylardy Qytaidaǵy aty shýly koronavirýsqa bailanysty, Zaisanǵa 14 kún Saryterek aýyldyq ambýlatoriiasyna jatqyzyp baqylaý jasamaq bolǵan.
Jelide taraǵan aqparatqa súiensek, aýyldyq ambýlatoriiany aýyldyq mádeniet úiine kóshirmek. Ambýlatoriiaǵa shekaradan kirgen jolaýshylardy jatqyzbaq bolǵan eken. Halyqty "bul keletin jolaýshylar qaýipti bolmasa, bar jaǵdaiy jasalǵan aýdandyq aýrýhananyń janynda juqpaly aýrý bólimine (infektsionnyi) jatqyzbai ma, ol jerden arnaiy mamandar, qajetti jabdyqtarymen qamtylǵan" degen suraqtar mazalaǵan bolatyn.
