Resei fýtbol odaǵy elde barlyq fýtbol jarystarynyń toqtatylǵanyn jariia etti, dep habarlaidy "Ult aqparat".
Búgin Máskeýde Resei fýtbol odaǵy atqarý komitetiniń biýro májilisinde osyndai sheshim qabyldandy.
Resei fýtbol odaǵynyń baspasóz qyzmeti málim etkenindei, koronavirýs juqpasynyń taralý qaýpine bailanysty barlyq fýtbol dodalary biylǵy 17 naýryzdan 10 sáýirge deiin toqtatyldy. Buǵan Resei fýtbol odaǵy, sondai-aq ligalar, óńirlik fýtbol federatsiialary men olardyń birlestikteri uiymdastyryp, ótkizip júrgen jarystar kiredi.
Aita keteiik, fýtboldan Resei premer-ligasynda óner kórsetetin birneshe klýbta qazaqstandyqtardyń oinaityny belgili. «Rostovtyń» namysyn jartylai qorǵaýshy Baqtier Zainýtdinov qorǵasa, biyl «Orynborǵa» Qazaqstan quramasynyń taǵy bir oiynshysy Islambek Qýat aýysqan bolatyn. Al Akmal Baqtiiarov «Sochide» júr.
