Koronavirýs pen virýstyq pnevmoniiadan kóz jumǵan 27 meditsina qyzmetkerine ótemaqy tólendi, dep habarlaidy "Ult aqparat".
25 qyrkúiek saǵat 9.00-degi jaǵdai boiynsha, Memlekettik áleýmettik saqtandyrý qory COVID-19 nemese virýstyq pnevmoniia juqtyrǵan 2 043 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 27 meditsina qyzmetkerine birjolǵy áleýmettik tólem jasaldy.
Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy. Ótinimderdiń jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-qa beriledi, keiin tólem taǵaiyndaý úshin MÁSQ-ǵa jiberiledi.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Nur-Sultan (517) jáne Almaty (373), Shymkent (117) qalalary, Qaraǵandy (170), Batys Qazaqstan (131) jáne Aqmola (107) oblystary boiynsha júrgizildi.
