Pavlodarǵa Túrkiiadan ushyp kelgen Qazaqstannyń 102 azamatynan koronavirýs tabylmady. Bul azamattar aldaǵy 14 kún ishinde dárigerlerdiń baqylaýynda bolady, - dep habarlaidy pavlodarnews.kz.
«Qurmetti Pavlodar obysy turǵyndary! Ózderińiz biletindei, álemdegi koronavirýs pandemiiasyna bailanysty keshe Pavlodarǵa Túrkiiadan 102 Qazaqstan azamaty keldi. Barlyǵy karantindik gospitalda oqshaýlandy, olardyń ishinde Pavlodar oblysy men shekaralas oblystardyń turǵyndary da bar», - deidi oblystyq densaýlyq saqtaý basqarmasy basshysynyń mindetin atqarýshy Birjan Dosmailov.
Sonymen qatar Birjan Dosmailov barlyǵyna saraptama jasalyp, olardyń nátijesi búgin belgili bolǵanyn málim etti.
«Qýanyshymyzǵa qarai, otandastarymyzdyń eshqaisysynan COVID-19 belgileri tabylǵan joq. Qaitalap aitamyn, barlyǵynyń deni saý. Jáne de bul azamattar aldaǵy 14 kún ishinde dárigerlerdiń baqylaýynda bolady. Ózińiz ben otbasyńyzǵa qorǵan bolyńyz», - dedi basqarma basshysynyń mindetin atqarýshy.
