Kann festivali biylǵy jyldyń jaz mezgiline qaldy. Uiymdastyrýshylardyń habarlaýynsha, is-shara biyl shildeniń 6-17 aralyǵynda ótedi, dep habarlaidy reseilik TASS agenttigi.
Áýelde festival, jyldaǵydai 11-22 mamyr aralyǵynda uiymdastyrylady dep josparlanǵan bolatyn.
«Ótken jyldyń kúzinde Kann festivalin ótkizý merzimi álemdegi sanitarlyq jaǵdaiǵa bailanysty ózgerýi múmkin ekendigin habarlaǵanbyz. Osylaisha, Kann onkúndigi aldyn ala josparlaǵandaǵydai 11-22 mamyr aralyǵynda emes, 2021 jyldyń 6-17 shildesinde ótedi», - delingen málimdemede.
2020 jyly áigili festivaldi ótkizý ýaqyty pandemiiaǵa bailanysty ózgertildi. Alaida, kórermender nazaryna usynylýy tiis kórsetilimderdiń bir bóligi ózge festivalder men kinoteatrlardaǵy taqyryptyq qoiylymdar barysynda kórsetildi. 2020 jyly is-shara virýsqa qarsy qatań sharalardy ustana otyryp, Berlin men Venetsiiada uiymdastyryldy.
Biylǵy jyly festivaldi Berdinde uiymdastyrýshylar is-sharany ótkizý merzimi ózgergenin aitty. Sondai-aq konkýrstyq kórsetilimderdiń onlain ótetini, al kórermender qatysatyn sharalardyń mamyr aiynda ótetini málim boldy.
Aita keteiik, ótken jyly pandemiianyń sharyqtaý shegine jetken kezinde Kann festivalin uiymdastyrýshylar ony kórermendermen birge, tipti onlain ótkizýden de bas tartqan bolatyn.
