Akademiialyq esýden Ońtústik Koreianyń Chýndjý qalasynda ótetin litsenziialyq Aziia chempionaty keiinge shegerildi, dep habarlaidy "Ult aqparat".
Bul týraly halyqaralyq esý federatsiiasysynyń resmi málimdemesine súienip, QR Ulttyq olimpiada komiteti málim etti.
Negizgi jospar boiynsha akademiialyq esýden litsenziialyq Aziia chempionaty 27-30 sáýir kúnderi Ońtústik Koreianyń Chýndjý qalasynda ótýi tiis bolatyn. Alaida, Ońtústik Koreiada koronavirýs epidemiiasynyń jappai taralýyna bailanysty halyqaralyq esý federatsiiasy atalǵan jarysty Shveitsariianyń Liýtsern qalasyna aýystyrý týraly sheshim jasady. Endi akademiialyq esýden litsenziialyq Aziia chempionaty 17-19 mamyr kúnderi Liýtsern qalasynda ótedi.
Esterińizge sala keteiik, osyǵan deiin koronavirýstyń taralýynan Ońtústik Koreia Seýl qalasynda ótedi dep josparlanǵan short-trekten álem chempionatyn ótkizýden bas tartqan edi.
Aita keteiik, Ońtústik Koreia álemdegi koronovirýs taraǵan elder arasynda Qytaidan keiingi ekinshi orynda tur.
