Koronavirýstyń órshýine bailanysty Tokiodaǵy jazǵy Olimpiada oiyndarynyń uiymdastyrýshylary olimpiada alaýy estafetasyn shekteidi, dep habarlaidy Kyodo agenttigi.
Estafetaǵa arnalǵan sharalar qysqarady, onyń kezeńderinde qarapaiym kórermender shekteledi, jarysqa qatysýshylardyń temperatýrasy únemi tekseriledi. Eger qandai da aýrý belgileri tabylsa, olar jarysqa qatyspaidy.
Olimpiada alaýy estafetasy 26 naýryzda Fýkýsima prefektýrasynda fýtbol jattyǵý ortalyǵynda bastalyp, 24 shildede Tokioda Oiynnyń ashylý kúninde aiaqtalýy tiis.
Olimpiada alaýyn jaǵý, sondai-aq Grekiiadaǵy estafeta josparlanǵan stsenariimen ótedi. Alaida, koronavirýs epidemiiasyna bailanysty qaýipsizdik sharalary saqtalady. Alaýdy tutandyrý saltanatynyń basty daiyndyǵy kórermendersiz ótedi, al ashylýda qonaqtardy qabyldaý toqtatylady.
Qazirgi ýaqytta Japoniiada myńdaǵan adam koronavirýsqa shaldyqqan, sonyń ishinde 706-sy Diamond Princess krýizdik laineriniń ekipaj músheleri men jolaýshylary bolǵan. 12 adam kóz jumdy.
