Norvegiiada sońǵy eki táýlikte koronavirýsty juqtyrý faktileriniń sany úsh esege artty. Aldyńǵy kúni ǵana «COVID 19»-ǵa shaldyǵýdyń 33 jaǵdaiy tirkelgen bolsa, búgin olardyń sany 89-ǵa jetti, dep habarlaidy "Ult aqparat".
Qoǵamdyq densaýlyq saqtaý departamenti 5 naýryz kúni jariialaǵan málimetke sáikes, jańa virýs Norvegiiaǵa negizinen Italiiadan kelgen, sondai-aq koronavirýsqa shaldyqqandar úidegi karantin talaptaryn durys saqtamaýdan órshigen.
Norvegiianyń densaýlyq saqtaý mekemeleri aldaǵy ýaqytta infektsiianyń taralýy jańa kezeńge ótetinin joqqa shyǵarmaidy. Olardyń paiymynsha, bul kezeńde virýstyń odan ary taralýynyń aldyn alý úshin anaǵurlym túbegeili sharalar qajet bolýy múmkin.
Norvegiianyń Bilim jáne ǵylym ministrligi mektepterdiń bilim berý protsesine engizilgen ózgeristerdi málim etti. Al Parlament tóraǵasy aldaǵy eki aiǵa el ishinde jáne shetelge josparlanǵan barlyq issaparlarǵa tyiym saldy. Budan bólek, aldaǵy demalys kúnderi belgili Holmenkollen shańǵy-tramplin kesheninde uiymdastyrylatyn shańǵy jarysynan Álem kýbogy kezeńi kórermendersiz ótetini sheshilgen.
