Qazaqstanda infektsiialyq tósek-oryndar eń kóp naýqas jatqan óńirler ataldy, dep habarlaidy QazAqparat.
QR DSM statsionarlyq jáne statsionardy almastyratyn meditsinalyq kómek basqarmasynyń bas sarapshysy Baýyrjan Satybaldynyń aitýynsha, vedomstvo infektsiialyq, reanimatsiialyq tósek-orynnyń qamtylýyna jáne KVI aýyr jáne óte aýyr naýqastar jaǵdaiyna monitoring júrgizedi.
«Qazirgi ýaqytta 317 meditsinalyq nysanda barlyǵy 34 499 infektsiialyq tósek-oryn bar. Respýblika boiynsha onyń 43%-ynda naýqastar jatyr. QR boiynsha infektsiialyq statsionarlardaǵy reanimatsiialyq tósekter sany – 3074, onyń 35%-yna naýqastar bar. Ásirese Qyzylorda, Mańǵystaý oblystarynda jáne Nur-Sultan men Shymkent qalalarynda infektsiialyq tósek-orynda kóp naýqas baiqalady. Jansaqtaý bólimindegi tósek-oryn boiynsha – Nur-Sultan, Shymkent, BQO, Mańǵystaý oblystarynda naýqas kóp», - dedi spiker Ortalyq kommýnikatsiialar qyzmetinde ótken baspasóz máslihatynda.
Mamannyń aitýynsha, biylǵy shilde aiymen salystyrǵanda meditsinalyq uiymdar sany 296-dan 317-ge deiin artqan.
«Epidemiologiialyq ahýal nasharlaǵan jaǵdaida KVI emdeý úshin el boiynsha qosymsha 60 myńǵa deiin infektsiialyq tósek jáne 6 myńǵa deiin reanimatsiialyq tósek daiyn», - deidi Satybaldy.
