Jambyl oblysynda koronavirýs indetin juqtyrǵan naýqas Nur-Sultan qalasynan kelgen, dep habarlaidy "Ult aqparat" coronavirus2020.kz saityna silteme jasap.
6 sáýir kúni Jambyl oblysynda infektsiiany juqtyrýdyń taǵy bir jaǵdaiy anyqtalǵanyn buǵan deiin jazǵan bolatynbyz.
«Indetke shaldyqqan naýqas - 1992 jylǵy Nur-Sultan qalasynyń turǵyny. Jeke kóligimen Taraz qalasynda turatyn ata-anasyna kelgen.
5 sáýir kúni JRVI belgilerimen provizorlyq statsionarǵa jatqyzylǵan. Koronavirýsqa tapsyrǵan laboratoriialyq taldaý oń nátije kórsetti.
Naýqaspen bailanysta bolǵan adamdardyń barlyǵy anyqtalyp, karantindik statsionarǵa jatqyzyldy. Olardyń jaǵdaiy qanaǵattanarlyq, shaǵym joq.
Mekenjai oshaǵy men barǵan jerlerine dezinfektsiia jumystary júrgizildi», - delingen aqparatta.
Aita keteiik, Jambyl oblysynda virýsty juqtyrǵandar sany 29 adamǵa jetti.
