Milannan Tbilisige ushyp kelgen 7 jolaýshy áýejaidan Grýziia astanasyndaǵy juqpaly aýrýhanaǵa jetkizildi, dep habarlaidy Novosti-Grýzii saity.
Áýejaida tekserý kezinde olardyń dene qyzýy kóterilgeni belgili boldy. Keiin jedel meditsinalyq kómektiń arnaiy toby olardy emhanaǵa aparǵan.
Dárigerlerdiń aitýynsha, patsientterdiń densaýlyq jaǵdaiy qanaǵattanarlyq. Zertteýlerdi nátijesi boiynsha erekshe ózgerister baiqalmaǵan.
«Patsientterdiń jaǵdaiy qanaǵattanarlyq. Birneshe adamnyń dene qyzýy 37 gradýsqa jetken. Tamaq aýrýy jáne qurǵaq jótel bolmasa densaýlyq jaǵdaiynyń qiyn ekenin aityp shaǵymdanǵandar joq. Olardyń test nátijeleri kúnniń ekinshi jartysynda belgili bolady», — dep málimdedi emhananyń dárigeri Aleksandr Goginava jýrnalisterge.
Grýziialyq basylymnyń málimetinshe, Tbilisidiń juqpaly aýrýlar aýrýhanasynyń bokstalǵan palatalarynda 25 patsient jatyr.
Dárigerlerdiń aitýynsha, olardyń barlyǵynyń densaýlyq jaǵdaiy jaqsy. Koronavirýsqa áli 11 adam tekserilmegen. Olardyń test nátijeleri kúnniń sońyna deiin belgili bolýy kerek.
Koronavirýs juqtyrǵany rastalǵan úsh patsienttiń jaǵdaiyna keletin bolsaq, dárigerlerdiń aitýynsha, olardyń aýrýy aýyrtpashylyqtar týdyryp otyrǵan joq.
«Osy kezeńde olarda asqynǵan eshteńe joq, baqylaý jáne zertteý kezeńinde. Patsientterdiń dene qyzýy – 37.3 gradýs, iaǵni tómen deńgeide. Ázirge olar aýrýhanadan shyǵarylmaidy, biraq naýqastardyń jaǵdaiy qanaǵattanarlyq, asqynady dep oilamaimyz», - dep málimdedi Goginava.
3 naýryzda koronavirýs jaǵdaiy Grýziiada úsh adamnan, onyń ishinde Iranda bolǵan eki er adamnan, sondai-aq Italiiadan kelgen bir áielden anyqtalǵan.
El úkimeti 2 naýryzdan bastap balabaqshalar men mektepterde eki aptalyq demalys jariialady. Grýziianyń Densaýlyq saqtaý ministrligi elde koronavirýstyń úshinshi jaǵdaiy tirkelýine bailanysty oqý oryndarynda dezinfektsiia júrgizýdi usyndy.
Koronavirýspen kúres jónindegi vedomstvoaralyq úilestirý keńesi halyq kóp jinalatyn oryndarda virýstyń taralýyn aldyn alý maqsatynda sharalardy ótkizbeýge usynys jasady. Keibir vedomstvolar, kompaniialar men uiymdar qashyqtyqtan jumys isteýge kóshken.
