Marokko astanasy Rabatta dziýdodan álemdik Gran-pri kezeńi ótpeitin boldy, dep habarlaidy "Ult aqparat".
QR Ulttyq Olimpiadalyq komiteti Halyqaralyq dziýdo federatsiiasyna silteme jasap habarlaýynsha, Marokko úkimeti koronavirýs epidemiiasynyń taralýynyń aldyn alý maqsatynda barlyq qoǵamdyq is-sharalar men sporttyq sharalardyń ótkizilýin ýaqytsha toqtatty. Sonyń ishinde 6-8 naýryz kúnderi ótýi tiis bolǵan d ziýdodan álemdik Gran-pri kezeńi bar. Atalǵan týrnirge qatysý úshin álemniń 94 elinen 561 dziýdoshy tirkelgen bolatyn.
Bairaqty dodaǵa Qazaqstan quramasynan 15 sportshy barýy tiis edi.
Aita keteiik, keshe Marokkonyń Densaýlyq saqtaý ministrligi el aýmaǵynda koronavirýsty (COVID-19) juqtyrýdyń alǵashqy jaǵdaiy tárkelgenin málim etken bolatyn.
