Mańǵystaýda 15 qazan kúngi jaǵdai boiynsha 50 adam koronavirýs infektsiiasymen aýyryp, karantindik statsionarda jatyr, dep habarlaidy "Ult aqparat" oblystyq kommýniktsiia ortalyǵyna silteme jasap.
Aýrýhanaǵa túsken naýqastyń 44-i koronavirýstyq pnevmoniiaǵa shaldyqqan. Qalǵan 6 naýqastyń koronavirýsqa tapsyrǵan synamasy oń nátije kórsetken.
«Qazirgi ýaqytta jansaqtaý bóliminde 4 naýqas jatyr. Onyń 2-niń jaǵdaiy aýyr, taǵy 2 naýqas óte aýyr hálde dep baǵalanýda. Bul bólimge túskenderdiń nasharlaýyna jedel tynys jetispeýshiligi jáne ilespe aýrýlardyń bolýy sebep», - delingen habarlamada.
Búginde aimaqtyń oqshaýlaý oryndaryndaǵy tósek-oryn júktemesi 23 paiyzdy quraidy. Oblys kóleminde 215 infektsiialyq I-II satyly tósek oryn bar. Sondai-aq, reanimatsiialyq tósek sany 43. Anyqtamasyz shetelden kelgen Qazaqstan Respýblikasynyń azamattary men shetel azamattaryna arnalǵan karantindik statsionarlarda barlyǵy 270 tósek oryn bar.
Al, buǵan deiin oblystyń bas sanitar dárigeri Ǵaziz Nadýev Mańǵystaý oblysynda koronavirýsqa shaldyqqandar sany artatyn bolsa, karantin talaptary kúsheitiletinin málim etken edi.
