Kýveit álemde birinshi bolyp COVID-19 virýsynyń taralýyna shekteý qoiý úshin barlyq kommertsiialyq áýe reisin jaýyp tastady, dep habarlaidy "Ult aqparat".
Kýveit Siti halyqaralyq áýejaiynyń jabylýyna bailanysty Parsy shyǵanaǵyndaǵy bul elge endi eshbir ushaq kelip qona almaidy jáne ushyp shyǵa almaidy. Áýe qaqpasy tek jolaýshylar ushaǵyna jáne óz eline qaityp kele jatqan Kýveit azamattary mingen ushaqtarǵa ǵana ashyq.
Búgingi tańda Kýveitte 100 adamnyń koronavirýs infektsiiasyn juqtyrǵany anyqtaldy. Shyǵanaqtaǵy kórshi elderdegi jaǵdai mynandai: Saýd Arabiiasynda COVID-19-ben aýyrýdyń 86 jaǵdaiy tirkelgen; BAÁ-de – 85; Irakta – 101, Bahreinde – 210; Katarda – 320. Taiaý Shyǵys óńiri boiynsha bul dert eń kóp taralǵan jáne álemde bul kórsetkish boiynsha úshinshi turǵan el – Iran. Onda 11364 adam bul virýsty juqtyrǵan.
Buǵan deiin Kýveit biligi koronavirýsqa bailanysty birqatar elderge áýe reisin toqtatqan edi. Eldiń premer-ministri sheih Sabah al-Haled al-Hamad as-Sabah pen Úkimet músheleri ótken aptada bolǵan shuǵyl keńes kezinde Bangladesh, Mysyr, Indiia, Livan, Siriia, Filippin, Shri-Lanka syndy elderge baratyn jáne keletin áýe reisterin toqtatqan bolatyn.
