QR Densaýlyq saqtaý ministrliginiń resmi ókili Dias Ahmetshárip 6 qańtardan keiin Qytaidan oralǵan turǵyndardyń densaýlyǵy týraly aitty, dep habarlaidy QazAqparat.
«6 qańtardan keiin Qytaidan kelgen qazaqstandyq jáne sheteldik azamattarǵa monitoring jasaý jalǵasýda. Olardyń 90% baqylaýǵa alyndy. Osy apta boiy biz dene qyzýy bar barlyq adamdar týraly emes, 6 qańtardan bastap Qytaidan kelgender týraly aityp jatqanymyzdy eske salamyz», - Dias Ahmetshárip Qazmedia ortalyǵynda ótken brifingte.
Onyń aitýynsha, 94 adam dene qyzýy men JRVI shaǵymymen oqshaýlanǵan aýrýhanaǵa jatqyzyldy.
«Qazir 33 adam aýrýhanada qaldy. 61 adam statsionardan shyǵaryldy. Kún saiyn aýrýhanadan shyqqandardyń sany artýda. Barlyq aýrýhanadan alynǵan synamalar qosymsha baqylaý úshin Almatydaǵy Ulttyq ǵylymi erekshe juqpaly aýrýlar ortalyǵyna jiberiledi. Bul ortalyq jańa koronavirýsty Polimerazdy tizbekti reaktsiia ádistemesin meńgergen», - dedi D. Ahmetshárip.
Buǵan deiin ministrliktiń resmi ókili Ýhan qalasynan evakýatsiialanǵan stýdentterdiń aýrýhanadan qashan shyǵarylatynyn aitqan edi.
